ഇലക്ട്രിക്കൽ ഇൻസ്പെക്ടറേറ്റ് വകുപ്പിന്റെ വെബ്സൈറ്റ് നവീകരിച്ചു

ഇലക്ട്രിക്കൽ ഇൻസ്പെക്ടറേറ്റ് വകുപ്പിന്റെ നിലവിലെ വെബ്സൈറ്റ് പൊതുജനങ്ങൾക്ക് കൂടുതൽ ഉപകാരപ്രദമാകുന്ന രീതിയിൽ നവീകരിച്ചു പ്രവർത്തനസജ്ജമാക്കി. വകുപ്പിനെ കുറിച്ചും, വൈദ്യുത മേഖലയിലും, വൈദ്യുത സുരക്ഷയുമായി ബന്ധപ്പെട്ടും, വകുപ്പ് കൈകാര്യം ചെയ്യുന്ന നിയമങ്ങളും സ്റ്റാൻഡേർഡ്സുകളും റെഗുലേഷനുകളും വെബ്സൈറ്റിൽ ചേർത്തിട്ടുണ്ട്. കൂടാതെ വകുപ്പിൽ നിന്നും നൽകി വരുന്ന സേവനങ്ങൾ, സേവനങ്ങളുടെ സ്ഥിതിവിവര കണക്കുകൾ എന്നിവ ലളിതവും കാര്യക്ഷമവുമായ രീതിയിൽ പൊതുജനങ്ങൾക്ക് മനസ്സിലാകുന്ന വിധത്തിൽ വെബ്സൈറ്റിൽ ഉൾപ്പെടുത്തിയിരിക്കുന്നു. പ്രാഥമികമായി മലയാളത്തിൽ തയ്യാറാക്കിയിട്ടുള്ള വെബ്സൈറ്റിൽ ഇംഗ്ലീഷ് ഭാഷ തെരഞ്ഞെടുക്കുവാനുള്ള സൗകര്യവും ലഭ്യമാണ്. ഓൺലൈൻ സേവന ഡാഷ് ബോർഡും , SAMRAKSHA, SURAKSHA എന്നീ വെബ്സൈറ്റുകൾ വഴി നൽകുന്ന അപേക്ഷകളുടെ തൽസ്ഥിതി അറിയുന്നതിനുള്ള ലിങ്കും പുതുക്കിയ വെബ്സൈറ്റിൽ കൊടുത്തിട്ടുണ്ട്.
വെബ്സൈറ്റ് വിലാസം: https://dei.kerala.gov.in